Logo

पाकिस्तान सँगको लडाइँमा भारतलाई साथ दिने भन्दै नेपालमा प्रदर्शन !



एजेन्सी-भारत-पाकिस्तान विवाद भइरहेकै बेला भारतको पक्षमा वीरगन्जमा प्रदर्शन गरिएको छ ।जम्मु काश्मिरमा भएको आतंकवादी हमलाको जवाफमा भारतीय वायु सेनाले पाकिस्तानी भूमीमै पसेर आक्रमण गरेकै दिन वीरगन्जमा राष्ट्रिय जनता पार्टी राजपाका महासचिव राजेशमान सिंहको नेतृत्वमा राष्ट्रिय युवा संघ र राष्ट्रिय विधार्थी संघका कार्यकर्ताले मोटरसाइकल र्याली गर्दे प्रदर्शन गरेका हुन् ।

आतंकवादविरुद्ध नेपालका युवा भारतको साथमा रहेको भन्दै राजपाले प्रदर्शन गरेको हो। प्रदर्शनमा सहभागीले आतंकवाद र आतंकवादीलाई संरक्षण दिने राष्ट्र मुर्दावाद, आतंकवादविरुद्ध भारत हामी तिम्रो साथमा छौँ, नेपाल भारत मैत्री सम्बन्ध अमर रहोस् जस्ता नारा लेखिएका ब्यानर र प्लेकार्ड बोकेका थिए।

वीरगन्जको श्रीपुरस्थित जिल्ला प्रहरी कार्यालय पर्सा अगाडिको लालबंगला परिसरबाट निकालेको मोटरसाइकल र्याली घण्टाघर, माइस्थान, आदर्शनगर, घडीअर्वाको परिक्रमा पछि पुन घण्टाघरचोकमा फर्किएर विरोधसभामा परिणत भएको थियो।विरोधसभालाई सम्बोधन गर्दै राजपाका महासचिव राजेशमान सिंहले आतंकवादीको कुनै जात धर्म र सीमा नहुने भन्दै आतंकवाद र आतंकवादीलाई विश्वबाटै समाप्त पार्न आवश्यक रहेको बताए।

प्रतिक्रिया दिनुहोस्